Nid yw’n hawdd dychmygu sut beth yw bod yn 10, 11 neu 12 oed, yn enwedig pan mae’r byd wedi newid cymaint ers i chi fod yr oedran hwnnw.
Mae llawer o heriau a newidiadau’n digwydd nad ydyn nhw bob amser yn hawdd ymdopi â nhw.
Efallai eich bod yn meddwl, beth yw’r ffordd orau o ddechrau sgwrs gyda fy mhlentyn 10-12 oed i gael gwybod sut mae’n teimlo? Sut ydw i’n ei annog i fod yn agored? Pryd yw’r amser gorau? Beth yw’r pethau gorau i’w gofyn?
Mae’r rhain i gyd yn gwestiynau da iawn, ac rydyn ni yma i’ch helpu chi i ddod o hyd i atebion.
Rydyn ni’n teimlo bod y sgyrsiau gorau yn aml yn deillio o sgyrsiau anffurfiol, a pha ffordd well o gadw pethau’n naturiol ac yn hamddenol na gwylio rhywbeth gyda’ch gilydd.
Mae ein cyfres o animeiddiadau byr yn sôn am rai o’r heriau mae plant 10 i 12 oed yn eu hwynebu, a’r ffyrdd gorau o helpu eich plentyn i ddelio â nhw – maen nhw’n wych i’w gwylio gyda’ch gilydd ac maen nhw’n gallu helpu i ddechrau sgwrs.
Animeiddiadau i ddechrau sgyrsiau
Delio â meddyliau negyddol
Gall meddyliau negyddol ymddangos unrhyw bryd, ond does dim rhaid i chi dreulio gormod o amser yn canolbwyntio arnyn nhw. Drwy ymarfer, gall meddwl yn gadarnhaol ddod yn bŵer i chi, a byddwn yn dangos i chi sut i wneud hynny.
Mae’r animeiddiad hwn yn annog rhieni a phlant i drafod meddyliau negyddol a dod o hyd i atebion gyda’i gilydd. Cafodd ei greu ar y cyd â phobl ifanc, a’i nod yw grymuso plant i wynebu heriau bywyd yn hyderus.
Bod yn ffrind gorau i mi fy hun
Mae angen ffrind ar bob un ohonom sy’n ein hannog ac sy’n gwneud i ni deimlo’n gadarnhaol...mae hynny’n cynnwys rhieni a phlant! Ac eto, mae ein meddyliau negyddol ein hunain yn gallu gwneud i ni deimlo nad ydyn ni’n ddigon da, dim ots pa mor hen ydyn ni.
Bydd yr animeiddiad byr a hwyliog hwn yn eich helpu i ddechrau sgwrs gyda’ch plant. Mae’n dangos iddyn nhw sut gallan nhw fod yn garedig â nhw eu hunain, dathlu eu llwyddiannau bach, a theimlo’n falch o bwy ydyn nhw.
Cyn bo hir, byddan nhw’n darganfod mai nhw eu hunain yw eu ‘ffrind gorau am byth’.
Cefnogi eich ffrindiau
P’un a ydyn ni’n oedolyn neu’n blentyn, pan fydd ffrind yn teimlo ar goll neu’n isel, y peth gorau y gallwn ni ei wneud yw gwrando.
Mae’r animeiddiad hwn yn helpu rhieni a phlant i drafod gyda’i gilydd pa mor werthfawr yw rhoi eu sylw llawn i rywun. Gwyliwch gyda’ch gilydd a dechreuwch sgwrs am beth mae bod yn ffrind cefnogol yn ei olygu.
Gweithio mewn partneriaeth
Mae dros draean o bobl ifanc yn dweud nad ydyn nhw’n gadarnhaol ynghylch eu dyfodol*. Mae Co-op a Barnardo’s yn gweithio gyda’i gilydd i godi £7 miliwn i gefnogi dyfodol cadarnhaol i 1 miliwn o bobl ifanc ledled y DU drwy gyngor a gwybodaeth ar-lein, yn ogystal â darparu cefnogaeth fanwl yn y cymunedau sydd ei hangen fwyaf. Ewch i wefan Co-op i gael gwybod mwy.
*Barnardo’s a Co-op (2023), Youth Opportunities Tracker: Fairer Futures.
Ydych chi’n rhiant neu’n ofalwr?
Gall bywyd teuluol fod yn llawn adegau sy'n gwneud i chi wenu, yn ogystal ag adegau sy'n profi eich amynedd neu sy’n gwneud i chi fod eisiau chwilio am atebion.
Cewch ddigonedd o wybodaeth ymarferol i’ch helpu chi a’ch teulu i ffynnu. Os oes angen rhagor o gymorth arnoch, gallwn eich cyfeirio at bobl a sefydliadau a all wneud bywyd teuluol ychydig yn haws i chi.
Keeping talking
Talking with your child regularly is one of the best ways to support their emotional wellbeing and keep them safe. Whether you're catching up after school or facing a more worrying moment, we've got five expert-backed tips to help you build trust, confidence, and connection.
Our partnership with Co-op
We are working with Co-op to raise £5m to support positive futures for 750,000 young people across the UK to access basic needs, manage their mental wellbeing, and connect with opportunities for their future.
Cafodd yr holl wybodaeth ar y dudalen hon ei chreu gyda gweithwyr iechyd proffesiynol sy’n ymarfer. Cafodd y dudalen hon ei hadolygu ym mis Rhagfyr 2025. Bydd y dudalen yn cael ei hadolygu nesaf yn 2028.