Mae plant a phobl ifanc ledled Cymru yn haeddu teimlo’n obeithiol am y dyfodol.
Ond ar hyn o bryd, nid yw hynny’n wir i lawer ohonynt.
Rydym ni yma i’ch helpu chi, a phlant a phobl ifanc ledled Cymru, i deimlo’n fwy diogel, yn hapusach, yn iachach ac yn fwy gobeithiol.
Gallwn eich helpu chi a’ch plant mewn sawl ffordd. Rydym ni’n gwybod bod angen lle i siarad ar rieni a phlant weithiau, felly mae ein gwasanaeth lles teuluoedd yn cefnogi teuluoedd i rannu eu teimladau a gweithio drwy heriau, gan eu helpu i ddatrys gwrthdaro. Ac os ydych chi’n berson ifanc sydd wedi gadael y system ofal yn ddiweddar ac yn symud i fyw’n annibynnol, efallai y bydd pethau’n teimlo’n llethol. Ond gallwn eich paru â mentoriaid, eich helpu i fagu hyder, a chreu rhwydwaith o ffrindiau er mwyn i chi allu ffynnu pan fyddwch yn oedolyn. Rydym ni’n rhoi cefnogaeth ac arweiniad i ofalwyr ifanc sy’n gofalu am eraill i wneud yn siŵr eu bod yn gallu byw eu bywydau i’r eithaf, beth bynnag mae hynny’n ei olygu iddyn nhw.
Rydym ni eisiau bod yno i deuluoedd yng Nghymru sydd ein hangen ni. Gallai hynny fod drwy ein gwasanaethau sy’n cefnogi pobl sy’n wynebu her benodol, neu drwy gynnig arweiniad a chyngor.
Gadewch i ni wneud i bethau weithio’n well i blant, pobl ifanc a theuluoedd ledled Cymru.
Rydym ni’n ceisio sicrhau bod lleisiau plant, pobl ifanc a theuluoedd yn cael eu clywed gan y bobl sy’n gwneud penderfyniadau sy’n effeithio arnyn nhw. Er mwyn newid bywydau, mae angen i ni newid cyfreithiau. Rydym yn gweithio’n agos gyda Llywodraeth Cymru a Senedd Cymru i helpu plant a phobl ifanc ledled Cymru i deimlo’n fwy diogel, yn hapusach, yn iachach ac yn fwy gobeithiol.
Dychmygwch deimlo’n ddiogel, yn hapus, yn iach ac yn obeithiol
Gadewch i ni helpu plant ledled Cymru i deimlo felly.
Mwy amdanom ni
Sut rydym ni’n cael ein strwythuro
Gallwch ddysgu mwy am sut rydym ni’n cael ein strwythuro a’n cefnogi gan ein Bwrdd Cynghori Cenedlaethol.